Агенцијата за пошти на 24 април 2012 година  во Скопје, потпиша Меморандум за соработка во областа на откривање,спречување и борба против перење пари и финансирање на тероризам со Министерството за финансии - Управа за финансиско разузнавање. Со овој Меморандум за соработка, двете институции ги утврдија начинот и формите на соработка за прашањата сврзани за размена и употреба на информации и податоци, искуства и взаемна обука,  што се однесуваат на откривање, спречување и борба против перење пари и финансирање на тероризам со цел ефикасно спроведување на надлежностите утврдени со закон.

     На овој начин АП и УФР ја потврдија заедничката заложба и интерес да дадат свој придонес за унапредување на соработката и координацијата за открување, спречување и борба против тероризмот и организираниот криминал  во РМ

На 11 и 12 април 2012 година, на покана на претседателката на Поштенската Регулаторна Комисија на Соединетите Американски Држави,  г-ѓа Рут Голдвеј, претставници од Агенцијата за пошти присуствуваа на работни состаноци со претставници од Комисијата.

На работните средби се дискутираше за улогата на Поштенската Регулаторна Комисија на поштенскиот пазар во САД, за поштенската реформа во САД, за универзалната услуга и обврските кои произлегуваат од неа, како и за состојбата на пазарот на поштенските услуги во Република Македонија. 

Исто така, на 12 април 2012 претставниците од Агенцијата одржаа состанок со директорот за поштенски работи во U.S. State Department, г-дин Денис Делеанти каде се дискутираше за улогата на U.S. State Department во креирање на меѓународната поштенска политика и главните прашања за претстојниот конгрес на Светскиот Поштенски Сојуз.

На 13 април 2012 во просториите на Генералниот инспекторат при Поштата на САД, претставниците од АП одржаа состанок и со поштенските инспектори  на Генералниот инспекторат, со кои се дискутираше за нивните надлежности, улогата која ја имаат во вршењето на надзор како и контролирање на работата и вработените во Поштата на САД.

Слики од состаноците може да се видат тука.