Стремејќи се да ја доближи работата на давателите на поштенските услуги пред пошироката јавност, како и да ја подигне јавната свест за начинот на користење на правата на корисниците на поштенските услуги, Агенцијата за пошти во соработка со Канцеларијата на Народниот Правобранител, на 28-ми и 29-ти март 2024 година, ќе го спроведе својот прв информативен караван „АП ПОБЛИСКУ ДО КОРИСНИЦИТЕ НА ПОШТЕНСКИТЕ  УСЛУГИ“.

Реализацијата на пролетниот караван ќе опфати 4 едукативни средби со граѓаните, студентите и претставници од бизнис-секторот, во градовите Тетово, Кичево, Охрид и Битола.

На овие средби, ќе бидат презентирани и надлежностите на Агенцијата за пошти, а главен акцент ќе се стави на информирање на јавноста за остварување на законските права на корисниците, нивните обврски како и обврските на давателите на поштенските услуги. На посетителите ќе им се даде можност да поставуваат прашања поврзани со обезбедувањето на услугите како и да информираат за евентуални забелешки поврзани со доставата.

Динамика на реализација

Дневен ред „АП ПОБЛИСКУ ДО КОРИСНИЦИТЕ НА ПОШТЕНСКИТЕ  УСЛУГИ“ 28-ми и 29-ти март 2024 година (Тетово, Кичево, Охрид и Битола)

Модератор- Ана Ковачевска – Раководител на Директоратот за заштита на правата на корисниците и односи со јавноста

Поздравно обраќање Претставник од Универзитетот

Обраќање - Директор на Агенцијата за пошти проф. д-р Сретен Миладиноски

Обраќање – Претставник од Канцеларијата на Народен Правобранител на Р. С. Македонија

Улога на давателите на поштенски услуги Олга Манчевска - Раководител на Директоратот за регулатива, лиценцирање и правни работи Христина Трајчевска – Стручен советник за лиценцирање

Права на корисниците на поштенски услуги Ана Ковачевска – Раководител на Директоратот за заштита на правата на корисниците и односи со јавноста Мартин Спасовски – Соработник за решавање на спорови

Прашања